Kára á Dunga er skrásett ognarmeklari og advokatskrivari HU við fleiri árs royndum bæði hjá Advokatskrivstovuni og Advokatfelagnum. Herumframt er Kára útbúgvin í leiðslu og marknaðarføring.

Húsamekling og verkætlanir og alt sum hartil hoyrir hevur verið fastur partur av allari hennara starvsleið.

Kára tók við sum stjóri í Betri Heim tann 1. mai 2010.

Dánjal Jákup Wiberg Holm er útbúgvin húsasmiður og byggifrøðingur.

Dánjal Jákup hevur lisið á byggitekniska háskúlanum í Odense og hevur royndir innan byggivinnuna, bæði í Føroyum og í Danmark. Herumframt hevur hann verið sjálvstøðugur vinnurekandi innan húsasmíð og byggifrøðiliga ráðgeving.

Dánjal Jákup byrjaði hjá Betri Heim í oktober 2010 og tekur sær av metingum, verkætlanum, vegleiðing og ráðgeving o.ø.

Tróndur Jensen hevur lokið útbúgving sum fíggjarbúskaparfrøðingur og hevur undir útbúgvingini verið í starvslæru hjá meklara. Frammanundan hevur Tróndur royndir í tænastuvinnuni.

Tróndur er settur í starv hjá Betri Heim í juli 2020 og tekur sær av dagliga søluarbeiðinum og metingum.

Tróndur er knýttur at høvuðsstaðarøkinum, Norðurstreymoy og Suðuroy.

Høgni hevur í 2020 lokið teoretiska partin av ognarmeklaraútbúgvingini. Herumframt er hann útbúgvin í virkisbúskapi á Aalborg Universiteti við sergrein í fíggjarstýring.

Seinastu nógvu árini hevur Høgni starvast innan sølu, marknaðarføring og ráðgeving á bæði føroyska og danska marknaðinum.

Høgni byrjaði sum sølumaður hjá Betri Heim 1. februar 2024.

Sóley Kerlok hevur lisið tænastubúskap og er útbúgvin margmiðlasniðgevi. Harumframt hevur hon tikið ein professiónsbachelor í innovatión og íverksetan.

Sóley hevur drúgvar royndir úr ferðavinnuni, har hon hevur arbeitt innan sølu og samskipan og staðið fyri verkætlanum av ymiskum slagi.

Sóley byrjaði hjá Betri Heim í februar 2024 og tekur sær av skeytum og tinglýsing.

Katrin Rajani hevur lisið cand.merc. innan strategi, organisatión og leiðslu.

Katrin hevur seinastu árini undirvíst á búskaparbreytini á Glasi, har hon hevur undirvíst í sølubúskapi, innovatión og organisatión.

Harumframt hevur Katrin starvsroyndir sum verkætlanarleiðari frá Betri Pensjón.

Katrin byrjaði hjá Betri Heim í september 2024 og hevur ábyrgd av at samskipa lívliga gerandisdagin á skrivstovuni. Harafturat hevur hon ábyrgd av heimasíðuni, sosialum miðlum og marknaðarførsluni hjá Betri Heim. 

John Daniel hevur lokið útbúgving í virkisbúskapi á Aalborg Universiteti, og seinastu árini hevur hann sum vinnurekandi starvast við sølu og ráðgeving. Herumframt hevur John Daniel royndir í húsamíð og menning av ferðavinnu á útoyggj.  

John Daniel byrjaði sum sølu / metingarmaður hjá Betri Heim 1. november 2024 og tekur sær av dagliga søluarbeiðinum og metingum við serligum tilknýti til norðurøkið.